Bryndís & Bragi

Langt er síðan við höfðum tíma til að blogga eitthvað og biðjum við aðdáendur okkar velvirðingar.

Skemmst er frá því að segja að heimilislífið hefur verið á öðrum endanum sl. vikur, enda var fest kaup á íbúð - einn tveir og tíu- og svo fengu "þeir gömlu" (pabbinn & pabbinn) ásamt "þeim ungu" Ingó og Braga viku til að leggja allt gólfefni. Rumpuðumst við mútta þá um bæinn að kaupa nauðsynjar í búið meðan kallarnir voru að, enda ýmislegt sem ekkert heimili má án vera...td. ostaskeri og gólftuskur og ljósaperur og þannig.

Eftir allt whippið með kallana ætlaðist mín audda til að fá að halda útskriftarveislu í höllinni, þannig að á einni viku varð íbúðin að vera orðin íbúðahæf og veislan ready. Þið getið rétt ímyndað ykkur hvort ekki hafi lekið nokkrir svitadropar við að unpakka allri búslóðinni, setja upp nýja hluti og myndir, ganga frá ýmsum lagfæringum, plana veisluna, kaupa kjólinn, elda matinn og bjóða í veisluna. Og í öllu þessu byrjaði Bragi líka í vinnunni og þurfti nottla tíma/orku í að undirbúa sig og ná áttum (hann fékk nú samt minnst af því), enda er ég extra blíð þessa dagana ;).

Þannig að á laugardaginn sl. var slegið upp veislu eftir formlega athöfn á Bifröst þar sem mín var útskrifuð sem viðskiptalögfræðingur með meiru ... og bestu einkunn í lagadeildinni. Ekki slæmt það :) Veislan tókst svo alveg prýðilega, temmilega mikið af fólki þannig að maður náði að tala við alla (nema þá sem gleymdu að mæta - þú veist hver þú ert!!! ). Ógeðslega góður matur enda elduðum við mamma hann (með aðstoð múttunnar hans Braga og Fanney vinkonu mömmu). En ekki varð neitt of mikið úr kvöldinu þegar fólk var farið eftir miðnættið - heldur hafði maður rétt svo orku til að setja afgangana inn í ísskáp - sem voru reyndar það miklir að maður er búinn að vera að éta veislumat alla vikuna. Þannig að ég þakka öllum sem komu í veisluna og vonandi skemmtu þið ykkur jafn vel og ég!!

 Annars má kannski segja frá því að ég er geðveikt eftir á í skólanum þar sem það er ógeð mikið að gera - og til að bæta á álagið er ég byrjuð að vinna með! Já veit smá bjartsýni í gangi - en ég sótti um heavy spennandi starf hjá Skattstjóranum í Reykjavík um sl. helgi og fór svo í viðtal næsta dag og var svo ráðin klukkutíma seinna!! Jei!! Þetta er nottla geðveikt mikið af upplýsingum fyrsta daginn og hausinn er að sprynga...en maður kannast nú svona við þetta flest allt eftir skattaréttin sl. vor. En ég verð nú bara að vinna ca 1-2 daga í viku eins og hentar mér.

 Annars...got to go...svo ég verði áfram með vinnu eftir helgi.

Bið að heilsa

-Bryndís

Var að skoða vörubækling frá verslun sem heitir Raflagnir Íslands ehf. á netinu. Og hann er ógeðslega fyndinn. Það er sem sagt verið að kynna skápa, hillur, skúffur og svoleiðis drasl í bílskúra og geymslur. Og á sumum myndunum er búið að stilla upp fólki/fyrirsætum til að standa við skápana. Á sumum myndunum er mynd af karlmanni í vinnugalla og gönguskóm og alveg algíraður svona "handy-man". En á sumum myndanna (og raunverulega fleiri myndum) eru dömur, ýmist í pínupilsinu eða einhvers konar vinnuslopp (og virðast ekki vera í neinu undir) og allar í þvílíkum pinnahælum. Mér finnst þetta svo sniðugt...ég veit að kynlíf selur og allt það og að eðlilegt telst í auglýsingum að falleg lítið klædd kona standi við vöruna...en common...við erum að tala um verkamanna-vinnuskúrs-skápa og þannig dót. Kona í hvíta pínupilsunu með heavy make-up er varla að fara að selja vöruna betur en eðlilega staðsetti handy-maðurinn í hrottalega sexy vinnugalla...

 Og það er bannað að spyrja af hverju ég var að skoða þennan bækling...

 Á http://www.rvk.is/betristraeto/ er verið að auglýsa frítt í strætó fyrir framhalds- og háskólanema á höfuðborgarsvæðinu núna í haust. 

Spyr sú sem ekki veit: Þýðir þetta þá að börn á grunnskólaaldri fá ekki frítt í strætó?

Ok kannski eru börn á yngri stigum ekið í skólann um leið og foreldrar fara í vinnuna. En hvað með eldri börnin - 14-16 ára?? Systir mín er að fara í 9. bekk og tekur strætó út um allt. Þurfa þá foreldrar að bera kostnað af strætóferðum yngri barna sinna - en ekki barna í framhaldsskóla (þeirra sem eru með mestar tekur til neyslu ef þau eru í vinnu).

 Æ, mér finnst þetta bara hallærisleg mismunun - og vona að þetta sé bara misskilningur í mér. Að allir nemendur á höfuðborgarsvæðinu fái frítt í strætó!!

kv. B 

 

Er gúrkutíðin svona rosaleg eða er Mogginn farinn að taka að sér auglýsingar fyrir búðir út í bæ?

	Fávitafæla og angurgapi til höfuðs erfiðum samböndum og nágrannaerjum
Ábyrgðarmaður færslu Tilkynna um óviðeigandi tengingu við frétt

Það hefur lífgað alveg ægilega upp á tilveruna hjá okkur "hjónakornunum" að lesa fréttir Moggans undanfarna daga, enda oft ýmsar skrítnar setningar og málvillur sem koma upp.

 Sem dæmi opnaði ég þrjár fréttir af mbl.is fyrr í dag og í tveimur þeirra fannst eitthvað sem betur hefði mátt fara:

Frétt um að eldsneytisverð hefur lækkað töluvert í sjálfsafgreiðslu. 

Þar sagði: ,, Eldsneytisverð hefur lækkað á mörgum sölustöðum í dag. Á flestum mannlausum sjálfsafgreiðslustöðvum nemur lækkunin um..."

Gott að taka það fram að það vinni ekki starfsfólk á sjálfsagreiðslustöðvum...

 Önnur frétt um handtöku mótmælenda við Straumsvík. Þar kom fram síðast í fréttinni að:,,Enn eru nokkrir mótmælendur á svæðinu og hafa eru einhverjir þeirra að hlekkja sig við síló í talsverðri hæð." 

 Ok  - kannski aðeins of mikil smámunasemi - en svo virðist sem enginn metnaður sé hjá Moggafólki í fréttamennsku yfir sumartímann...eða að sumarstarfsfólk fylli raðir fréttamanna þessa dagana sem hafa ekki almennilegt vald á íslensku. 

En þetta er upplífgandi við lestur EES réttar í 20 stiga hita hér á Röstinni. 

 Hendi inn öðrum spaugilegum fréttum við tækifæri.

Bryndís